
«Кыргызтест» мамлекеттик мекемеси Ош шаарында жүргүзүлүп жаткан мобилдик тестти мамлекеттик тилди билүү деңгээлин аныктоо боюнча тестке катышууну каалаган мамлекеттик жана муниципалдык кызматчылардын саны өсүп жаткандыгына байланыштуу 2022-жылдын 3-декабрына чейин узартты. Аталган тест Исанов көчөсү, 73 дарегинде жайгашкан Ош мамлекеттик педагогикалык университетинин башкы корпусундагы Электрондук китепкананын 1-кабатында өткөрүлүүдө.
Бишкек шаарында тестке бекитилген графикке ылайык, 2022-жылдын 29-ноябрында Бишкек шаарынын мэриясына караштуу райондордун муниципалдык администрацияларынын жана «Бишкек троллейбус» ишканасынын кызматкерлери катышышты.



