
Жыйынга Кыргыз Республикасынын Президентине караштуу Мамлекеттик тил жана тил саясаты боюнча улуттук комиссиянын төрагасы Каныбек Осмоналиев, «Кыргызтест» мамлекеттик мекемесинин директору Батма Топоева-Ставинская, Бишкек шаарынын вице-мэри Виктория Мозгачева, Свердлов администрациялык району боюнча Бишкек шаарынын мэриясынын муниципалдык администрациясынын башчысы Максатбек Саргазаков, орун басарлары жана аппарат кызматкерлери, түзүмдүк мекемелердин жетекчилери, мамлекеттик тил адистери, лингвист-эксперттер жана жалпыга маалымдоо каражаттарынын өкүлдөрү катышты.
КР Министрлер Кабинетинин 2022-жылдын 30-апрелиндеги “Мамлекеттик органдарда мамлекеттик тилдин колдонулушу жана абалы жөнүндө” №15 протоколдук тапшырмасын аткаруу максатында Калкты тейлөө тармагында иш кагаздарынын мамлекеттик тилде жүргүзүлүшү жана абалы боюнча аналитикалык талдоо жүргүзүүнүн жыйынтыгы тууралуу баяндама окулуп, бир топ көйгөйлүү маселелер ортого салынды.



